Бир айда Бишкек мэриясына кардарлардын укугу бузулгандыгы тууралуу 60 кайрылуу түшкөн

2013-жылдын январь айында Бишкек мэриясына караштуу кардарлардын укугун коргоо департаментине кардарлардын укугу бузулгандыгы тууралуу 60 кайрылуу түшкөн. Мэриянын басма сөз кызматы билдиргендей, бул кайрылуулар боюнча аталган департамент “Аламүдүн” жана “Ак-Эмир” базарларында рейд жүргүзүп, кардарлардын укугун бузган жарандарга карата 32,6 миң сомдун тегерегинде айып пул салган. Учурда Бишкек шаарындагы соода түйүндөрүн текшерүү иштери уланып жатканын билдирди мэрия.