Бишкектеги жардамга муктаж жалгыз бой энеге өкмөт 50 миң сом берди

Бишкек шаарынын тургуну, ден соолугунун мүмкүнчүлүгү чектелүү жалгыз бой эне Айзада Кожобергеновага өкмөттүн резервдик фондунан 50 миң сом акчалай жардам бөлүндү. Тийиштүү жарлыкка премьер-министр Жоомарт Оторбаев кол койгонун 30-декабрда өкмөттүн басма сөз кызматы кабарлады. Маалыматка таянсак, А.Кожобергенова аз камсыздалган үй-бүлө, 1-топтогу майып, жалгыз бой эне жана туруктуу киреше булагы жок жаран катары Бишкектин Биринчи Май райондук социалдык өнүктүрүү башкармалыгынын каттоосунда турат.