Президент "Терроризмди каржылоого каршы күрөшүү жөнүндө" мыйзамга өзгөртүү киргизди

Мамлекет башчы Алмазбек Атамбаев “Терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү жөнүндө” мыйзамга толуктоолорду жана өзгөртүү киргизүү тууралуу” мыйзамга 29-декабрда кол койду.

Мыйзам 2014-жылдын 27-ноябрында Жогорку Кеңеш тарабынан кабыл алынган.  

Мыйзамдын максаты - терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү тармагында улуттук мыйзамдарды Евразиялык экономикалык союзунун келишимдик-укуктук базасына ылайык келтирүү.

Мыйзам Евразиялык экономикалык союзга кошулууга байланыштуу мыйзамдар пакетине кирет жана 2014-жылдын 29-майындагы Евразиялык экономикалык союз тууралуу келишимге Кыргызстандын Евразиялык экономикалык союзга кошулуу жөнүндө келишими күчүнө кирген күндөн баштап күчүнө кирет.