Супер-Инфо
super.kg видео
Марат Турдубаев Балыкчы шаарынын мэри болуп шайланды
Марат Турдубаев Ысык-Көл облусундагы Балыкчы шаарынын мэри болуп шайланды. Бул тууралуу 6-январда SUPER.KG порталына Борбордук шайлоо комиссиясынын Балыкчы шаары боюнча атайын өкүлү Капар Акматбек уулу билдирди.
Автор: Айпери Ганыжан кызы
Маалыматка караганда, шайлоого шаардык кеңештин 30 депутаты катышкан. "Шайлоонун жүрүшүндө Данияр Бекбашев - 7, Алмаз Сагынбеков - 6 жана Марат Турдубаев 17 добушка ээ болду. Шайлоо БШКнын 133 токтомуна ылайык өткөрүлдү. Алгач талапкерликке 5 киши документ тапшырган. Акыркы күн деп 27-декабрь белгиленип, ага чейин тапшырган 3 адамдын документи жарактуу болгон. Шайлоо таза жана чыр-чатаксыз өттү. Өкмөт башчы токтом чыгаргандан кийин жаңы шайланган мэр ишине киришет",- деди Капар Акматбек уулу.
Марат Турдубаев 1962-жылы туулган. Ал Балыкчыдагы "Темир-бетон" ачык акционердик коомун жетектеп келген.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:24
2025-07-21
12:59
2025-07-19
Рейтинг: 
0
0
Талкуу жабык.