Кыргызстандык шахматчы Келсинбек Исакжанов "Moscow Open-2013" аттуу Эл аралык мелдеште атаандашы менен тең чыкты

5-февралда кыргызстандык шахматчы Келсинбек Исакжанов "Moscow Open-2013" аттуу шахмат боюнча Эл аралык фестивалынын 4-турунда атаандашы Михаил Левашов менен күч сынашып, жыйынтыгында тең чыкты. Учурда Исакжанов 1,5 упайы менен 241-орунда. Ал эми аталган мелдештин 3-турунда Семетей Төлөгөнтегин 74-орунда келе жаткан болчу, бирок 4-турда орусиялык Александр Рахмановго утулуп калды. Ал 2 упайы менен 116-орунда келе жатат. Айта кетсек, Орусияда өтүп жаткан шахмат боюнча "Moscow Open-2013" Эл аралык фестивалы 10-февралда аяктайт.