Өкмөт башчы Дүйнөлүк мурастар тизмесине кирген шаарларда музей түзүүгө 235 миң сом бөлдү

КРнын Өкмөт башчысы Жоомарт Оторбаев Дүйнөлүк мурастар тизмесине кирген шаарларда музей түзүүгө 235 миң сом бөлдү. Бул тууралуу 8-январда өкмөттүн басма сөз кызматы билдирди. 

Премьер-министр кол койгон токтомго ылайык, Ысык-Ата районунун Красная Речка айылындагы Маданият үйүнүн алдында "Красная Речка" маалыматтык музейин, Чүй районунун Ак-Бешим орто мектебинин алдында "Ак-Бешим" маалыматтык музей-борборун түзүүгө өкмөттүн резервдик фондунан 235 864 сом бөлүндү.

Эске салсак, 2014-жылдын 25-июнунда Чүйдөгү байыркы шаар калдыктары Ак-Бешим (Суяб), Бурана (Баласагын), Красная Речка (Невакет) ЮНЕСКОнун Дүйнөлүк мурастар тизмесине киргизилген.