Кыргызстандын Салык кодексине өзгөртүү жана толуктоо кирди

Президент Алмазбек Атамбаев "Кыргыз Республикасынын Салык кодексине өзгөртүүлөрдү жана толуктоолорду киргизүү жөнүндө" мыйзамга кол койду. Жогорку Кеңеш тарабынан 2014-жылдын 27-ноябрында кабыл алынган бул мыйзам Кыргызстандын Евразия экономикалык союзуна кошулуусуна байланышкан мыйзамдардын пакетине кирет, ага ылайык, Кыргызстандын Салык кодексинин кээ бир ченемдери Евразия экономикалык союзунун келишимдик-укуктук базасына ылайык келтирилет. Тактап айтканда, Бажы союзуна мүчө мамлекеттердин аймагында чарба субъекттеринин ишинин алкагында кыйыр салыктарды башкаруунун жаңы эрежелери киргизилет. Мыйзам 2014-жылдын 29-майындагы Евразиялык экономикалык союз тууралуу келишимге Кыргызстандын кошулуусу жөнүндө келишим күчүнө кирген күндөн баштап күчүнө кирет.