Бизнес ачуунун оңойлугу боюнча Кыргызстан дүйнөдө 12-орунда турат

Бизнес ачуунун оңойлугу боюнча Кыргызстан дүйнөдө 12-орунда турат. Маалыматты 9-январда өкмөттүн басма сөз кызматы билдирди. Ал эми насыя алуунун оңойлугу боюнча өлкө 13-орунда турары айтылды. Мындан башка да бир катар багыттар боюнча Кыргызстан алдынкы орундарда экенин кошумчалайт. Мисалы, инвестордун укугун коргоо боюнча 22-орунда, экспорт боюнча 44-орунда, салык төлөмдөрүнүн жеңилдиги боюнча 51-орунда, рыноктук реформалардын эффективдүүлүгү боюнча 77-орунда, өкмөттүк саясаттын ачыктыгы боюнча 82-орунда турары айтылды.