Брэд Питт менен Анжелина Жолинин 8 жаштагы кызы Шайло өз жынысын чанып, эркек болууну самаганы талкууга алынды

Голливуд жылдыздары Брэд Питт менен Анжелина Жолинин 8 жаштагы кызы Шайло эркек балдардын гана кийимин кийип, тегерегиндегилерге ага Жон деп кайрылууну айтып келет. Ал эми ата-эне бул учурда өзүнүн жынысын четке каккан секелек кызынын чечимин толугу менен колдошуп, ага каршы чыгууну каалашпайт. Бул тууралуу чет элдик басма сөз каражаттары жазып чыгышты. 

Маалым болгондой, батыш шоу чөйрөсүндө бул чуу Шайлонун кайсы бир телевизиондук тартуу иштерине эркектин костюмун кийип, өзүнүн кыска чачын саркеч жасалгалап келгенинен башталган. Мындай келбети менен ал эркек балага окшошуп калган. Анжелина менен Брэддин кызы кандай кийинсе да өз эрки экенин айтышканы талкуунун билигине май тамызгандай болду. Бул билдирүүдөн соң коомчулук жубайларды "кызына туура эмес мамиле кылып жатышат" деп күнөөлөшүп, жылдыздарга Шайлонун тарбиясын тыкыр көзөмөлгө алышын жана кыз болуу жаман эместигин түшүндүрүүнү талап кылышкан.