Ошто жол кырсыгы катталып, 3 адам ооруканадан каза тапты

9-январь күнү Ош-Өзгөн унаа жолунда жол кырсыгы катталып, түрдүү жаракаттардан улам 3 адам ооруканадан каза таап, 4 адам жаракат алды. Бул тууралуу бүгүн, 10-январда ИИМдин Жол-кайгуул кызматы билдирди.

Маалыматка ылайык, болжол менен саат 00:30да Ош облусунун Өзгөн районунун 36 жаштагы тургуну Дамил мас абалында Мерседес-Бенц-300 үлгүсүндөгү унааны айдап баратып Деу-Тико унаасы менен кагышкан. Деу-Тико ары жылып, эки жөө адамды сүзгөн. Жыйынтыгында ал унаанын айдоочусу, унаадагы дагы бир жаран жана жөө жүрүүчүнүн бири ооруканадан каза болушту. Учурда иликтөө иштери башталды.