Кыргызстанда 2014-жылы жайыт акы катары 130 миллион сом жыйналды

Кыргызстанда 2014-жылы Жайыт комитеттери жайыт акы катары 130 миллион 031 236 сом жыйнашты. Айыл чарба жана мелиорация министрлиги билдиргендей, бул сумма былтыркыдан 17 пайызга же 19 миллион сомго көп. "Айыл жериндеги Жайыт комитеттери жыл өткөн сайын жайыт пайдалануу графигин түзүү ишин жакшы өздөштүрө башташты. Жайыт пайдалануучу болгон айылдыктар жайыттарга бара турган жолдор оңдолуп, көпүрөлөр салынып, инфраструктура жылдан-жылга жакшырып жатканын белгилешүүдө",- деп билдирет министрлик.

2014-жылы жайыт акы боюнча Ош облусу 25 миллион 606 700 сом, Жалал-Абад облусу 23 миллион 803 500 сом, Чүй облусу 21 миллион 600 000 сом, Нарын облусу 21 миллион 350 000 сом, Ысык-Көл облусу 19 миллион 322 800 сом чогултканы айтылды.