Жогорку Нарын ГЭС каскады боюнча уюштуруу иштеринде кемчиликтер болуп жатканы айтылды

"Жогорку Нарын ГЭС каскады - өлкөнүн инвестициялык саясатындагы приоритеттүү долбоор". Мындай пикирди вице-премьер-министр Валерий Диль 12-январда Жогорку Нарын ГЭС каскадынын курулушу боюнча өткөн кеңешмеде билдирди. Жыйында аталган долбоор боюнча уюштуруу иштеринде кемчиликтер болуп жатканы айтылды. Диль долбоорду ишке ашырууга жооптуу мекемелердин ишине да токтолуп, "ар бириңер бул ишти аткарууга жоопкерчиликтүүлүк менен мамиле кылышыңар керек" деп билдирди.