Жоомарт Оторбаев саламаттыкты сактоо министрин сынга алды

Өкмөт башчы Жоомарт Оторбаев саламаттыкты сактоо министрлигинин 2014-жылдагы пландарынын аткарылбагандыгы үчүн министр Талантбек Батыралиевди сынга алды. Бул тууралуу өкмөттүн басма сөз кызматы бүгүн, 12-январда билдирди. "Өткөн жылдагы энелердин жана балдардын өлүмү 2013-жылга салыштырмалуу көп. Биз 21-кылымда жашайбыз. Бул биздин мезгил үчүн өтө жогору. Андан сырткары жандандыруу бөлүмүнө таандык унаа жана рентген аппараттарды сатып алуу боюнча тендерди кайрадан өткөрүү керек",- деди Оторбаев.

Өкмөт башчы министр менен жолугушууда министрликтин 2014-жылдагы иштеринин жыйынтыктары жана 2015-жылга карата аткарыла турган иш пландарын талкуулашты.