Кызганычтан кытайлык айым күйөөсүнүн жыныс мүчөсүн эки жолу кесип салганы үчүн камакка алынды

Кытайдын Пекин шаарынын тургуну кызганычтан улам күйөөсүнүн жыныс мүчөсүн кесип салды. Бул тууралуу бүгүн, 14-январда чет элдик басма сөз каражаттары жазып чыгышты.

Маалым болгондой, 30 жаштагы Фен Лун айым 32 жаштагы күйөөсү Фан Лундун көзүнө чөп салып жүргөнүн билип калган. Күйөөсү 21 жаштагы ойношу менен байланышып, электрондук катты жапканды унутта калтырган. Ачуусу келген аял уктоочу бөлмөгө кирип барып күйөөсүнүн жыныс мүчөсүн кайчы менен кесип таштаган. Жабыр тарткан Фан ооруканага жеткирилип, дарыгерлер анын кесилген жыныс мүчөсүн тигишкен. Бирок кызганган Фен палатага кирип келип күйөөсүнүн жан жерин кайрадан кесип, аны терезеден ыргытып жиберген.

Фан болсо анын артынан кууп жетип, оорукананын сыртынан кармап, ур-токмокко алган.

“Биринчи бизге жылаңач эркек аялды сабап жатканын айтышты. Кызматкерлер сыртка чуркап чыгышып, энеден туума жылаңач болгон, бутунан кан агып жаткан оорулууну көрүшүп, мушташып жаткан жубайларды ажыратышкан. Жабырлануучу көп кан жоготконуна байланыштуу ыкчам операция жасалды. Дарыгерлер анын физикалык ден соолугун калыбына келтиришкени менен, жан дүйнөсү жанчылган абалда”,- деп ооруканадан билдиришкен.

Жыныс мүчөсү табылбай калганына байланыштуу кайра тигип чыгуу мүмкүнчүлүгү түзүлгөн жок. Дарыгерлердин пикиринде аны көчө жандыктары, мисалы, мышык же ит сүйрөп кетиши мүмкүн. 

Фан Лундун 5 баласы бар, бирок алардын кимиси жубайлардын никесинде төрөлгөнү белгисиз.

Бул ортодо кытайлык жарандын майыптыгы жаш көңүлдөшүнүн сүйүүсүн качырган жок. Ага турмушка чыгууну каалаганын жар салып, Фан Лундун мындан ары балалуу болбой калышына кейибей турганын айткан.

Ал эми кол салган аялы ден соолугуна оор залал келтиргени үчүн камакка алынды.