"Селекциялык жетишкендиктерди укуктук коргоо жөнүндө" мыйзамга толуктоолор киргизилди

Алмазбек Атамбаев «Селекциялык жетишкендиктерди укуктук коргоо жөнүндө» мыйзамга өзгөртүүлөрдү жана толуктоолорду киргизүү тууралуу» документке кол койду. Бул тууралуу президенттин басма сөз кызматы билдирди. 

Мыйзам Кыргыз Республикасынын Жогорку Кеңеши тарабынан 2014-жылдын 10-декабрында кабыл алынган.

Мыйзамдын максаты Кыргыз Республикасынын өсүмдүктөрдүн жаңы сортторун укуктук коргоо чөйрөсүндөгү мыйзамдарын Евразия экономикалык бирлигинин алкагында кабыл алынган эл аралык-укуктук актыларга, Кыргыз Республикасы мүчө болгон Өсүмдүктөрдүн жаңы сортторун коргоо боюнча эл аралык конвенцияга шайкеш келтирүү болуп саналат.

Мыйзам 2014-жылдын 29-майындагы Евразия экономикалык бирлиги жөнүндө келишимге Кыргыз Республикасынын кошулуусу тууралуу келишим күчүнө кирген күндөн тартып ишке кирет.