Кыргызстан жакыр өлкөлөрдүн катарынан чыкканын өкмөт билдирди

Кыргызстан каржылык рынокту өнүктүрүү көрсөткүчү боюнча 2014-жылы дүйнөдө 112-орундан 95-орунга көтөрүлдү. Өкмөттүн билдиришинче, былтыр олуттуу прогресс рыноктук систем тармагында болгон. Мисалы, рыноктук реформалардын эффективдүүлүгү боюнча Кыргызстан өткөн жылы 116-орундан 77-орунга жылды.

Бизнес ачуунун оңойлугу боюнча өлкө 12-орунда.

Насыя алуунун оңойлугу боюнча 13-орунда.

Инвестордун укугун коргоо боюнча 22-орунда.

Экспорт боюнча 44-орунда.

Салык төлөмдөрүнүн жеңилдиги боюнча 51-орунда.

Өкмөттүк саясаттын ачыктыгы боюнча 82-орунда.

"Кирешелердин деңгээли жаатында Дүйнөлүк банктын классификациясы боюнча Кыргызстан кирешеси төмөнкү деңгээлдеги өлкөлөрдүн катарынан чыгарылып, орто кирешелүү өлкөлөрдүн категориясына киргизилди",- деп билдирет өкмөттүн басма сөз кызматы.

Айта кетсек, Кыргызстан 2014-жылы жакыр өлкөлөрдүн катарынан чыгарылганын мамлекет башчы Алмазбек Атамбаев буга чейин бир нече жолу бирдирген эле.