2014-жылы 8 жол-кайгуул кызматкери иштен алынса, 186 кызматкерге сөгүш, 81 кызматкерге эскертүү берилди

Бишкекте 2014-жылы жол-кайгуул кызматкерлеринин туура эмес иштери боюнча 272 даттануу түшүп, анын 58и гана далилденди. Жол-кайгуул кызматынын башчысы Сергей Дьяченко өзү башкарган мекеме маалымат булактарындагы материалдарга сөзсүз реакция жасай турганын билдирди. Маалыматка таянсак, 2014-жылы 13 жол-кайгуул кызматкерине кылмыш иши козголуп, 8 кызматкер кайра кызматка дайындалбай турган шартта иштен алынды. 65 кызматкерге катуу сөгүш, 121 кызматкерге сөгүш, 81 кызматкерге эскертүү берилди. 

Айта кетсек, өкмөттө бүгүн, 15-январда Жол кыймылынын коопсуздугун камсыз кылуу боюнча комиссиянын кезектеги жыйыны өттү.