Жогорку Кеңеш депутаттык топторду фракциянын фондунан каржылоого каршы демилгени 1-окууда карап жатат

Бүгүн, 15-январда парламент "Жогорку Кеңештин депутаттарынын, фракциясынын, комитетинин жана депутаттык топторунун фонддору жөнүндө" жобого өзгөртүүлөрдү жана толуктоолорду киргизүү тууралуу" токтом долбоорун 1-окууда карап жатат. Сунушталып жаткан норма депутаттык топторду фракциянын фондунан каржылоону токтотуу максатында иштелип чыккан. Демилгечилер депутаттар аймактарга иш сапарларга чыгууда фракцияны ашыкча чыгымдарга алып келип жатышканын айтышты. Депутат Сайдулла Нышанов азыркы парламенттин мөөнөтүнүн аяктаарына жарым жыл гана калганын айтып, норманы алып салууну сунуш кылды.