Эльвира Сариева: "Аймактар билим берүү системин реформалоого активдүү киришсе, министрлик күчтүү боло алат"

Ысык-Көл облусундагы шаардык жана райондук билим берүү мекемелеринин өкүлдөрү үчүн нормативдик каржылоо тажрыйбасын ишке киргизүү боюнча семинар болуп өттү. Иш-чарага катышкан КРнын Билим берүү жана илим министри Эльвира Сариева "аймактардагы өкүлдөр билим берүү системин реформалоого активдүү киришсе, министрлик күчтүү боло алат" деп билдирди. Бул тууралуу мекеменин басма сөз кызматы маалымдады.

"Билимдин сапатын жакшыртуу жана илим менен камсыздоо - биздин башкы максатыбыз. Бул үчүн жергиликтүү бийлик менен мамилени күчөтүп, айрым көйгөйлөрдү чечүүнүн жолдорун сунушташыбыз абзел. Райондук жана шаардык органдар коюлган максаттар боюнча кабардар болуп гана тим болбостон, техникалык жактан аларды ишке ашыруусу зарыл",- деди министр.