Депутат Элмурат Обдуновду мандаттан ажыратуу боюнча Жогорку Кеңештин төрагасына сунуш берилди

Жогорку Кеңештин "Республика" фракциясы депутат Элмурат Обдуновдун депутаттык ыйгарым укугун мөөнөтүнөн мурда токтотуу боюнча сунушун парламент төрагасы Асылбек Жээнбековго жөнөттү. Мындай чечим фракциянын кезектеги отурумунда кабыл алынганын фракциядан бүгүн, 17-январда билдиришти. 

Мындай чечим кабыл алууга Э.Обдуновдун фракциянын отурумуна жана фракциянын ишмердүүлүгүнө дайыма катышпай жүргөндүгү себеп болгону айтылды.