Франциянын элчиси Париждеги терактка байланыштуу көңүл айтканы үчүн Кыргызстанга ыраазычылык билдирди

Кыргызстандын тышкы иштер министри Эрлан Абдылдаев 16-январда Франциянын Кыргызстандагы атайын жана толук ыйгарым укуктуу элчиси Стефан Катта менен жолугушту. Министрликтен билдиришкендей, жолугушууда элчи Париж шаарында 7-январда болгон терактка байланыштуу көңүл айтканы үчүн Кыргыз Республикасынын жетекчилигине ыраазычылык билдирди. Тараптар өлкөлөр ортосундагы мамилелерди өнүктүрүү келечегин талкуулашканы айтылды.