Орусияда курулушта кыргызстандык 2 жаран каза болду

Красноярскта курулушта иштеп жаткан 2 кыргызстандык жаран каза тапты. Бул тууралуу орусиялык маалымат каражаттары жазып чыгышты. 

Маалыматка ылайык, 2 куруучу курулуп жаткан көп кабаттуу үйдүн 15-кабатынын полун цементтеп жаткан учурда алардын бирин кран илип кеткен. Ал өзүн куткаруу максатында 2 куруучуну кармап, өзү менен кошо сүйрөп кеткен. Натыйжада ал экөө тең 15-кабаттан жерге кулап каза тапкан. Учурда кылмышка шектүү катары курулушта кранды башкарып иштеген 53 жаштагы тажикстандык жаран кармалды. "Каза тапкан 24 жана 34 жаштагы кыргызстандык жарандардын сөөктөрү жерге берүү үчүн Кыргызстанга жөнөтүлгөн",- деп айтылат маалыматта.