Улуттук банк: "Өткөн жылы акча алмаштыруучу жайлар 97 миллиард сом таап, бюджетке 36 миллион сом төгүшкөн"

2014-жылы Кыргызстандагы валюта алмаштыруучу жайлардын жүгүрткөн акча каражатынын суммасы 97 миллиард сомго жетип, бюджетке 36 миллион сом төгүшкөн. Бул тууралуу бүгүн, 20-январда аталган бюролорду жабуу боюнча коомдук угуунун жүрүшүндө Улуттук банктын башчысы Толкунбек Абдыгулов билдирди.

Анын айтымында, өлкөдө 1000ден ашуун акча алмаштыруучу түйүн иштейт. Алардын 309унун гана лицензиясы бар. "Өткөн жылдын биринчи жана төртүнчү кварталдарында бюролор тарабынан спекулятивдик чабуулдар болгон. Мындан Улуттук банк жапа жеккен. Мындан тышкары акча алмаштыруучу жайлар жабылса, 10 миңден ашуун адам жумушсуз калат деген кептер айтылууда. Бул көрсөткүч чындыкка туура келбейт",- деди Абдыгулов.