Өкмөттө Кыргызстан-Германия кызматташтыгы талкууланды

Вице-премьер-министр Валерий Диль 20-январда Германиянын Кыргызстандагы элчиси Гудрун Срэганы кабыл алды. Жолугушууда каржы, энергетика жана билим берүү жаатындагы эки тараптуу кызматташтыкты бекемдөө маселелери талкууланды. Дилдин 2014-жылдын ноябрь айында Германияга жасаган иш сапарындагы жетишилген макулдашуулар да каралды.  

Өкмөттөн билдиришкендей, вице-премьер учурда жогорку техникалык кыргыз-немис мектеби жана 2015-2017-жылдарга кичи гидроэнергетиканы өнүктүрүүнүн концепциясынын долбоору иштелип жатканын айтты.