2015-жылы Бажы кызматы 44 миллиард, Салык кызматы 47 миллиард салык чогултары күтүлүүдө

Каржы министрлиги 2015-жылы республикалык бюджетти толтуруунун негизги булагы болгон салыктар кантип чогулары тууралуу маалымат берди.

Салыктык кирешелер – өлкөнүн Салык жана Бажы кодекстерине ылайык алынуучу салыктар жана төлөмдөр. Аларга киреше салыгы, пайдага салык, милдеттүү патенттин негизиндеги салык, ыктыярдуу патенттин негизиндеги салык, "Кумтөрдүн" дүң кирешесине салык, мүлккө салык, кыймылсыз мүлккө салык, транспорт каражаттарына салык, жер салыгы, кошумча наркка салык, сатуудан алынчу салык, акциздик салык, жер казыналарын пайдалануу боюнча салык жана бажы төлөмдөрү кирет.

Каржы министрлигинин маалыматы боюнча, 2015-жылга мамлекеттик бюджеттин салыктык түшүүлөрүнүн түзүмү төмөнкүдөй:

Аталышы	2015-жыл (сом менен)
Салыктык кирешелер	92 миллиард 299 миллион 500 миң
Мамлекеттик салык кызматынын салыктык кирешелери	47 миллиард 996 миллион 400 миң
Мамлекеттик бажы кызматынын салыктык кирешелери	44 миллиард 303 миллион 100 миң
Салык агенти тарабынан төлөнүүчү киреше салыгы	8 миллиард 723 миллион 600 миң
Пайдага салык	5 миллиард 226 миллион 100 миң
Милдеттүү патенттин негизиндеги салык	259 миллион 900 миң
Ыктыярдуу патенттин негизиндеги салык	1 миллиард 826 миллион 400 миң
"Кумтөрдүн" дүң кирешесине салык	5 миллиард 515 миллион
Мүлккө салык	1 миллиард 291 миллион 800 миң
Кыймылсыз мүлккө салык	647 миллион 100 миң
Транспорт каражаттарына салык	644 миллион 700 миң
Жер салыгы	871 миллион
Кошумча наркка салык	37 миллиард 81 миллион 700 миң
Ички продукцияга кошумча нарк салыгы	11 миллиард 241 миллион 700 миң
Импорттук продукцияга кошумча нарк салыгы	25 миллиард 840 миллион
Сатуудан алынчу салык	8 миллиард 405 миллион
Акциздик салык	6 миллиард 351 миллион 600 миң
Ички продукцияга акциздик салык	1 миллиард 603 миллион 300 миң
Импорттук продукцияга акциздик салык	4 миллиард 748 миллион 300 миң
Жер казынасын пайдалануу боюнча салыктар	1 миллиард 63 миллион 500 миң
Бажы төлөмдөрү	13 миллиард 714 миллион 800 миң