Эрмек Мамыркалиев Транспорт жана коммуникация министрлигинин статс-катчысынын милдетин аткаруучу болуп дайындалды

Эрмек Мамыркалиев Транспорт жана коммуникация министрлигинин статс-катчысынын милдетин аткаруучу болуп дайындалды. Тийиштүү жарлыкка премьер-министр Жоомарт Оторбаев кол койгонун 22-январда аталган министрликтен кабарлашты. Айта кетсек, министрликтин буга чейинки статс-катчысы Максатбек Дыйкановго кылмыш иши козголуп, 2014-жылдын июль айында камакка алынган. Ал "коррупция" жана "кызмат абалынан кыянаттык менен пайдалануу" беренелери боюнча айыпталууда. Ага козголгон кылмыш иши сотко өткөрүлгөн.

Э.Мамыркалиев:

Туулган жылы - 1963-жыл, 11-декабрь.

Туулган жери - Бишкек шаары.

Улуту - кыргыз.

Билими - жогорку, Москва жогорку техникалык университетин, Кыргыз улуттук университетин аяктаган, адистиги - инженер-механик, юрист.

Билген тилдери - кыргыз, орус, англис.

Буга чейин транспорт жана коммуникация министринин кеңешчиси болуп иштеп келген.