Супер-Инфо
super.kg видео
Токмокто иске ууланып каза болгон үй-бүлөдөн жалгыз аман калган кыздын абалы оор бойдон
Токмок шаардык ооруканасынын жандандыруу бөлүмүнүн бөлүм башчысы Жүрсүн Кошоева
Токмок шаардык ооруканасынын жандандыруу бөлүмүнүн бөлүм башчысы Жүрсүн Кошоева
Токмок шаарында 8-январда бир үй-бүлөдө 3 кыз жана алардын атасы иске ууланып каза болгону айтылган. Бул каргашалуу окуяда ал үйдө аман калган 21 жаштагы кыздын абалы оор бойдон калууда. Бул тууралуу бүгүн, 22-январда SUPER.KG порталына Токмок шаардык ооруканасынын жандандыруу бөлүмүнүн бөлүм башчысы Жүрсүн Кошоева билдирди.
Автор: Мальвина Уметбекова
"Учурда 21 жаштагы кыздын абалы оор. Ал буга чейин дем алдыруучу аппараттын жардамы менен дем алып келсе, азыр өз алдынча дем ала баштады. Учурда дарыгерлер анда баш мээ шишиги жана өпкө шишиги бар экенин аныкташты. Бул кыз менен бирге ооруканага түшкөн сиңдиси 5 сааттан кийин каза болуп калган. Тилекке каршы, ага биз жардам бере алган жокпуз, себеби ал ооруканага өтө кеч алынып келген. Атасы жана 4 кыз 17 сааттай үйүндө эс-учу жок жатып калышкан. Эки кыз менен алардын атасы үйдөн каза болуп, ал эми ооруканага түшкөн эки кыздын бири да каза болуп калган. Учурда аман калган кызды мындан ары дарылоо үчүн Бишкектеги ооруканалардын бирине котордук. Бирок кыз мурунку калыбына келеби же жокпу, азырынча белгисиз",- дейт Ж.Кошоева.
Дарыгердин айтымында, учурда каза болгон кыздардын энесинин да абалы оор. Ал жалаң гана дарынын жардамы менен жашап жатат. Ошондой эле азырынча бул үй-бүлөнүн мүчөлөрү эмне себептен улам каза тапкандары тактала элек, ал эми тиешелүү анализдерден алардын канынын курамында ис көп экени аныкталган болчу.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:14
2025-06-26
8:35
2025-06-26
Рейтинг: 
0
0
апасы менен Кызы сакайып кетсин!