Саламаттыкты сактоо министри кызамыкка каршы күрөшүү маселесин эксперттер менен талкуулады

Саламаттыкты сактоо министри Талантбек Батыралиев 23-январда Бүткүл дүйнөлүк саламаттыкты сактоо уюмунун эксперттери менен жолугушту. Жолугушууда өлкөдө кызамык оорусунун күч алып жатышы, ага каршы күрөшүү жолдору талкууланды. Уюмдун өкүлдөрү кызамык илдетинин жайылышына каршы зарыл болгон иш-чараларды Саламаттыкты сактоо министрлиги жүргүзүп жатканын белгилешип, мындан аркы жасалчу иштердин планы сунушталды. Мунун алкагында эмдөө боюнча массалык кампания жүргүзүү иштери бар экенин 24-январда аталган министрликтен билдиришти.