Каржы министрлиги: Акыркы 5 жылда мамлекеттик бюджеттин кирешеси 62 миллиард сомго көбөйдү

Кыргызстанда 2010-жылдан 2015-жылга чейин мамлекеттик бюджеттин кирешелери 57 миллиард сомдон 119 миллиард сомго чейин өстү. Кирешелердин ар жылдык өсүүсү орточо 120,2 пайызды түзгөнүн 24-январда Каржы министрлиги билдирди. "2010-жылы мамлекеттик бюджетке бардыгы болуп 57 миллиард сом түшкөн. 2011-жылы мамлекеттик бюджеттин жалпы кирешелери 77 миллиард ашуун сомду, 2012-жылы 86,7 миллиард сомду, 2013-жылы 101,8 миллиард сомду түздү. Алдын ала маалыматтар боюнча, 2014-жылы мамлекеттик бюджеттин кирешелери 119 миллиард сомду түздү",- деп билдирет министрлик.