Канжар Кадыралиевдин оң кол, сол кол дегендери кармалды

Канжар Кадыралиевдин оң кол, сол кол дегендери кармалды. Бул тууралуу бүгүн, 26-январда ИИМдин Кылмыш иликтөө башкы башкармалыгынын башчысы Адилбек Ботобаев билдирди.

“Бүгүнкү күнү Канжар Кадыралиевди издөө иштери жүрүүдө. Анын жанындагы оң кол, сол кол дегендери кармалды. Учурда бул боюнча жумушчу топ иштеп жатат”,- деди Адилбек Ботобаев.

Айта кетсек, Башкы прокуратура Канжар Кадыралиевге карата “бейбаштык”, “өзүм билемдик” жана “зомбулук көрсөтүү менен талап кылуу” беренелери боюнча кылмыш ишин козгоп, ээлеген кызматынан бошоткон. Ошол эле учурда Ош шаардык соту ага издөө жарыялаган. 

Буга чейин Канжар Кадыралиев менен биргеликте каракчылыкка шектелип издөөдө жүргөн Сашка каймана аты менен белгилүү Абдисалам Аманов кармалган.