Ысык-Көл. Ак-Суу районунда жер титирөөнүн кесепетин иликтөө боюнча комиссия иштеп жатат

Ысык-Көл облусунун Ак-Суу райондук мамлекеттик администрациясы тарабынан 28-январда болуп өткөн жер титирөөгө байланыштуу анын кесепетин аныктоо үчүн райондук комиссия түзүлүп, иш алпарууда. Бул тууралуу өкмөттүн Ысык-Көл облусундагы өкүлүнүн басма сөз катчысы Назира Муканбетова билдирди. Бүгүнкү күнгө карата жер титирөө боюнча райондогу айылдардан 30 арыз түшүп, учурда жабыр тарткандар аныкталып актылар түзүлүп жатканы кабарланды.