Супер-Инфо
super.kg видео
Ош шаарынын мэри чет өлкөдө жасалуучу операцияга муктаж болгон журналист Исманалы Муратовго материалдык жардам берди
Ош шаарынын мэри Айтмамат Кадырбаев журналист Исманалы Муратовду чет өлкөдө операция жасатуу үчүн мэриянын атынан 100 миң сом жана жеке үй-бүлөсүнүн атынан акчалай жардам көрсөттү.
"Исманалынын ден соолугуна байланыштуу түшкөн сыноо ага эмес, жалпы момун мусулмандарга Жараткандан берилген сыноо деп билебиз. Ушундай кыйын күнгө кабылганда бири-бирибизге кол сунушубуз керек. Учурдан пайдаланып, колунда бар бардык жарандарга кайрылат элем, биргеликте жардам берели. Ал эми мэрия тарабынан көрсөтүлүп жаткан бүгүнкү жардам башталышы гана болуп калсын. Жакынкы күндөрдө Ош шаарында чоң жыйын болот, ошондо бардык мекеме, ишканалардан жардам берүүнү суранып өтөйүн. Ал эми жубайына жасаган дарыгерлердин шалаакы мамилеси боюнча ишти жеке көзөмөлүмө алам”,- деди А.Кадырбаев.
Журналист Исманалы Муратов өз учурунда жеке тагдырына байланышкан оор күндөрдө алгачкылардан болуп жардам көрсөткөн Ош шаарынын мэрине ыраазычылыгын билдирди.
Ош шаарынын тургуну И.Муратов боорундагы альвеококкоз оорусуна байланыштуу чет өлкөдө боорун 80 миң АКШ долларына алмаштыруусу керек. Ошондой эле жубайы Мехригүл Саитова да боюндагы эгиз балдарын операция жолу менен алгандыгына байланыштуу эне болуу мүмкүнчүлүгүнөн төбүлүккө ажыраган. Исманалынын достору операцияга акча чогултуу максатында акция өткөрүшүүдө.
0
1 |