Борбордо "100 миң сомдук зер буюмдарын уурдаган" деп шектелген жаран кармалды

Борбор калаада "100 миң сомдук зер буюмдарын уурдаган" деп шектелген жаран кармалды. Бул тууралуу бүгүн, 29-январда Бишкек ШИИББинен билдиришти. 

Маалыматка ылайык, милицияга арыз менен К.Ж. аттуу шаардын тургуну кайрылган. Анда ал 17-январь күнү анын батиринен белгисиз жарандар 100 миң сомдук бриллиант зер буюмдарын уурдап кетишкенин айткан. Жүргүзүлгөн иликтөө иштеринин алкагында кылмышка шектүү катары 33 жаштагы А.А. аттуу жаран кармалды. Учурда бул иш боюнча иликтөө жүрүүдө.