Өкмөт жооп берет: Кыргызстан Евразиялык экономикалык союздун толук мүчөсү болгондо, Орусиядан келчү унаалар "растаможкадан" өтөбү?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз. 

Суроо: - Кыргызстан Евразиялык экономикалык союзга толук мүчө болгондон кийин Орусиядан орусиялык унааларды Кыргызстанга алып барып, бажылык тариздөө (растаможка) кыла алабызбы? Унаанын жылы боюнча кандай чектөөлөр болот? Суроо калтырган Kayratmyn.

Жооп: Кыргыз Республикасы Евразиялык экономикалык союзга (ЕАЭС) кошулгандан кийин ЕАЭС өлкөлөрүнүн аймагынан чыгарылган товарлар (ошондой эле унаалар) Кыргыз Республикасынын аймагында (ичинде) эркин жүрө алат.

Ушул товарларды Кыргыз Республикасынын аймагына алып кирүүдө бажылык тариздөөнүн кереги жок болот. Ошондой эле Кыргыз Республикасынын аймагына алып кирүүдө чыгарылган жылы боюнча чектөөлөр бүгүнкү күнү бекитиле элек.

Суроого Кыргыз Республикасынын Экономика министрлиги жооп берди.  

Эгер сизде да суроолор болсо, анда "Өкмөт жооп берет" бөлүмүнө кириңиз.