Кыргызстандын Бириккен Улуттар Уюмуна үлүштүк төгүмү январдын аягына чейин которулат

Кыргызстандын Тышкы иштер министрлигинин катына ылайык, быйылкы жылга БУУнун ыктыярдуу бюджетине Кыргызстандын үлүштүк төгүмү 54 271 долларды түзөт. Муну бүгүн, 29-январда Каржы министрлигинин басма сөз кызматы билдирди.  

"Каржы министрлигинин 2015-жылдын январь айына каржылык планында “эл аралык уюмдарга учурдагы гранттар” беренеси боюнча Кыргызстандын Каржы министрлиги тарабынан ушул айдын соңуна чейин БУУнун ыктыярдуу бюджетине которулуучу 3 миллион 250 832 сом (азыркы учурдагы доллардын курсу боюнча) суммасындагы каражат каралган",- деп айтылат маалыматта.