Парламент салттуу диндерди мамлекет тарабынан колдоо тууралуу мыйзам долбоорун талкуулап жатат

Бүгүн, 30-январда Жогорку Кеңеште салттуу дин маселеси боюнча тегерек стол өтүүдө. Анда депутат Өмүрбек Текебаев тарабынан иштелип чыккан “Салттуу диндерди мамлекеттик колдоо жөнүндө” мыйзам долбоору талкууланып жатат. Ага Жогорку Кеңештин депутаттары, муфтий жана коомдук уюмдун өкүлдөрү катышууда. 

Салттуу диндерди мамлекет тарабынан колдоонун негизги шарттарына ылайык, бийлик органдары менен жергиликтүү өз алдынча башкаруу органдары салттуу диндерге таандык диний уюмдарга каржылык колдоо көрсөтө алышат. Каражат берүү жагы республикалык жана жергиликтүү бюджеттен каралат.