Австралиянын теннис боюнча Ачык биринчилигин америкалык Серена Уильямс утуп алды

Бүгүн, 31-январда теннис боюнча Австралиянын Ачык биринчилигинин финалында америкалык Серена Уильямс орусиялык Мария Шарапованы утуп, чемпион аталды. 2 саатка жакын убакытка созулган беттеште 6:3, 7:6 эсеби катталды. Бул тууралуу мелдештин расмий сайты билдирди. 33 жаштагы америкалык теннисчи ушуну менен 6-ирет катары менен Австралиянын Ачык биринчилигин утуп алды. Ал эми Чоң шлем түркүмүнө кирген мелдештердеги жеңиштеринин саны 19га жетти. 2 теннисчинин ортосундагы жеке эсепти карасак, Серена атаандашы Мария Шарапованы 17-ирет утуп отурат. Мария америкалык теннисчини акыркы жолу 10 жыл мурун уткан.