Депутат Болот Шер: "7-апрелде менин эмне иш кылганымды эл, жан сакчыларым баары көргөн"

Бүгүн, 7-февралдагы ЖКнын жыйынында депутат Болот Шер 2010-жылдын 7-апрелиндеги талап-тоноо иштерине байланыштуу 268 күбө суралып, алардын бири дагы аны мародёрчулукка катыштыгы бар деп айтпаганын билдирди. “Мен ал күндүн ар бир мүнөтү үчүн жооп берем, менин эмне жасаганымды милиция кызматкерлери, эл, жан сакчыларым - баары көргөн. Мародёрчуларга каршы ок аткыла деген буйрукту мен бергем, бирок аягында мени күнөөлөп жатышат”,- деди депутат.