Жумгалда хоккей боюнча райондун Ачык биринчилиги болуп, Чаектин командасы жеңишке жетишти

Кечээ, 1-февралда Нарын облусунун Жумгал районунун Чаек айылында хоккей боюнча райондун Ачык биринчилиги жыйынтыкталды. 3-ирет уюшулуп жаткан мелдеште жеңишти Чаек айылынын “Жумгал-Шортон” командасы камсыздады. 

Уюштуруучулар кабарлашкандай, мелдешке Жумгал, Кочкор, Нарын райондорунан жана Чолпон-Ата шаарынан жалпы 7 команда катышты. Байге фонду 300 миң сомду түзгөн биринчиликтин финалында “Жумгал-Шортон” менен Миң-Куштун “Барчын” командасы кез келди. Оюндун негизги убактысы жана кошумча убакытта жеңүүчү аныкталбай, 4:4 эсебиндеги тең чыгуу катталды. Булитте 4:3 эсебинде чаектиктер утуп чыгышты. 

3-орунду болсо Нарындын “Дордой Ала-Тоо” командасы менен Кочкор районунун “Ормон-Хан” командасы өз ара талашып, нарындыктар 2:1 эсебинде жеңип алышты. 

1-орун. "Жумгал-Шортон" командасы (Чаек айылы, байгеси 50 миң сом)