Ошто 37 жаштагы жарандын үйүнөн диний-экстремисттик уюмга тиешелүү материалдар алынды

Ош шаарында 37 жаштагы Т.З. аттуу жаран жашаган үйдөн “Хизбут-Тахрир” диний-экстремисттик уюмуна тиешелүү материалдар табылды. Бул тууралуу бүгүн, 3-февралда Ош шаардык ички иштер башкармалыгы билдирди.

Маалыматка караганда, текшерүү учурунда кыргыз, өзбек тилиндеги 15 китеп, 3 флеш-карта, компьютер, дисктер алынган. Ош шаарынын дин иштери боюнча атайын комиссиясы флеш-картадагы маалыматтар диний-экстремисттик маанайда экенин аныкташкан. Мындан улам “улуттук, расалык, диний же регион аралык кастыкты козутуу” беренеси боюнча кылмыш иши козголуп, шектүү убактылуу кармоочу жайга киргизилген.