Депутаттар балдарга болгон зомбулукту токтотуу үчүн мыйзамдарды өзгөртүүнү сунушташууда

Жогорку Кеңештин депутаттары балдарга болгон зомбулукту токтотуу үчүн мыйзамдарды өзгөртүүнү сунушташууда. Парламенттин 5-февралдагы жыйынында депутат Каныбек Иманалиев бул маселеге Жогорку Кеңеш сөзсүз реакция жасашы керектигин айтты. "Балдарга зордук-зомбулук акыркы мезгилде абдан көбөйдү. 2010-жылга салыштырмалуу өлкөдө балдардын кылмыштуулугу 2,5 эсеге өскөн. Буга унчукпай койгонубуз болбойт, март айында болчу өкмөттүк күндө ушул маселени талкуулайлы",- деди депутат.