Администрациялык жоопкерчилик жөнүндө кодекске толуктоо киргизүү демилгеси 3-окууда артка кайтарылды

Жогорку Кеңеш 5-февралда “Кыргыз Республикасынын Администрациялык жоопкерчилик жөнүндө кодексине толуктоолорду жана өзгөртүүлөрдү киргизүү тууралуу” мыйзамдын долбоорун 3-окууда талкуулап, кайра карап чыгууга жиберди. Мыйзам долбоору байытылган нан унун пайдалануу боюнча коюлган талаптар аткарылбаган учурда тараптарды жоопкерчиликке тартууга багытталган. Айыптын көлөмү 50дөн 100 эсептик көрсөткүчкө чейин деп каралган. Жыйында депутаттар айыптын көлөмүн кайрадан карап чыгуу керектигин айтышып, 2-окуунун режимине кайтарышты.