Букмекер кеңселерин жабуу демилгеси 2-окууда добуш берүүгө жиберилди

Өлкөдөгү букмекер кеңселеринин жана тотализатор бюролорунун иштешине тыюу салчу мыйзам долбоорун Жогорку Кеңеш 5-февралдагы жыйынында 2-окууда карап, добуш берүүгө жиберди. Мындай сунуш жарандардын кумар оюндарына берилип кетип, жапа чегип жаткандыгынан улам демилгеленүүдө. Демилгечилер мыйзам долбоору кабыл алынып, кол коюлуп, расмий жарыяланган күндөн тарта күчүнө киришин сунушташкан. Ал эми тармактык комитет бир жылдан кийин күчүнө кирет деген чечим кабыл алган.