Бишкекте жеңил атлетика боюнча мелдеш өтүүдө

Биринчи Май районунун Жуманазаров атындагы балдардын спорттук мектебинин базасында 5-6-февралда өспүрүмдөр арасында жеңил атлетика боюнча мелдеш өткөрүлүп жатат. Бул тууралуу Бишкек шаардык мэриясынан билдиришти.

Мелдеш жаш курагына жараша үч категорияда өткөрүлөт: 

1. 1998-1999-жылдары туулгандар;

2. 2000-2001-жылдары туулгандар;

3. 2002-жылкы жана андан кичүү балдар. 

Таймаш Жеңил атлетика эл аралык ассоциациясынын эрежеси боюнча өткөрүлүп, ар бир катышуучу эки гана спорттун түрүн көрсөтө алат. Иш-чара жеңил атлетиканы өнүктүрүү, балдарды жана өспүрүмдөрдү жеңил атлетика менен машыгууга үгүттөө, ден соолукту чыңдоо максатында өткөрүлүүдө. Жеңүүчүлөр диплом, медаль жана белектер менен сыйланышат.