Абдырахман Маматалиев Экономикалык кылмыштуулукка каршы күрөшүү боюнча кызматынын коллегиялык жыйынына катышты

Кечээ, 7-февралда вице-премьер-министр Абдырахман Маматалиев Экономикалык кылмыштуулукка каршы күрөшүү боюнча кызматынын жыйынтыктоочу коллегиялык жыйынына катышты. Бул тууралуу өкмөттүн басма сөз кызматы билдирди.

Маалыматка караганда, коллегияда аталган кызматтын 2014-жылы аткарган иштери жана 2015-жылга койгон пландары талкууланган.

“2014-жылы Экономикалык кылмыштуулукка каршы күрөшүү боюнча кызмат тарабынан 1 миллиард 324 миллион сом кайтарылган. 2013-жылга караганда 467 миллион сомго көп. Бул көрсөткүчтү башка күч органдарына салыштырмалуу жыйынтыктуу десек болот. Бирок дагы деле көп иштер боюнча жыйынтык чыкпай келет. Коррупциялык схемалардын бети ачыла элек”,- деди Абдырахман Маматалиев.