Супер-Инфо
super.kg видео
Сокулукта 3 миң сом карызын төлөй албай калган 27 жаштагы тургун өз жанын кыйды
Сокулук районуна караштуу Асылбаш айылынын Жакшылык аттуу тургуну 3 миң сом карызын төлөй албай калып, мунун айынан өз өмүрүнө кол салган. 27 жаштагы тургундун артында 1 кызы жана 1 уулу калганын SUPER.KG порталына өздүк булактарыбыз билдиришти.
Берилген маалыматка таянсак, маркум кечээ, 8-февралда өз жанын кыйган. "Мындан 1,5 ай мурун Жакшылык бир таанышынан карызга 3 миң сом алыптыр. Кийин ошол сумманы көтөрүп алып барса, карызга берген киши аласасы 20 миң сомго жеткенин айтат. Андан кийин Жакшылык талаада кой кайтарып жүрсө, карыз берген тургун 1 кой алып кетиптир. 1 койдун дайыны чыкпай калгандыктан, ата-энеси уулунан сурашкан. Ал чындыкты айтпай, "жоголуп кетти" деген жоопту берет. Өзү өлгөн күнү анын чөнтөгүнөн кимден карыз алганы, койдун кайда жоголгону жана канча сом карыздан кутулуу керектиги жазылган кагаз табылган",- дейт өздүк булак.
"Кыргызчылыкка салып, коомдо мындай окуялардын жашырылып жатканы өкүндүрөт. Маркумдун таякеси милицияга арыз жазылбаганын айтты. Ошондой эле айылдын молдосу "өз жанын кыйган адамга жаназа окубайм" деп келбей коюп, башка айылдын молдосун алып келишкен экен",- деп кошумчалайт өздүк булак.
-2
Намыстуу болсо кой ошо карызды толоюн деп жан талашат тырышат эле го бир эмес эки баласы бар экен экоо эмне болот эми ошолорду ойлоду бекен? А сен кайдагы намысты айтып атасын?
Эмне деген жашоо болуп калды 3000сомдун аягы ушундай жаман иш менен буторун ким билиптир.Э Кудай баарыбызга ыйман бере кор.