Сагынып сен келгенде, мен да келем,
Негедир уяң тартат менин денем.
Жалт карай албасам да жамалыңды,
Көзүмдүн кыйыгынан карай берем.
Карай берем, карай берем,
Көзүмдүн кыйыгынан карай берем.

Сени ойлоп отурганда ой да терең,
Телефон “шыңгыр” этсе жүрөк эзген.
Алтыным, сен экен деп ала койсом,
Аттиң, ай, ал адашкан адам экен.
Башка экен, бөлөк экен,
Аттиң, ай, ал адашкан адам экен.

Элестеп сени жүрөм кармай албай,
Эзилем кыялымда жетпес жандай.
Алдаса мейли мени түркүн кыял,
Бир гана келсең болду сен алдабай.

Кыялымда, жетпес жандай,
Бир гана келсең болду сен алдабай...