Күндөрүм буйрубады көрүшкөнгө,
Күнөөсүз ой-санаамды бөлүшкөнгө.
Карайган эки тоонун чынарындай,
Калдыкпы катар өспөй тегиз жерде.
Ах, жаным, сүйгөнүм,
Калдыкпы катар өспөй тегиз жерде.


Көрүшпөс деңиздеги аралдардай,
Издешип, табышпаган маралдардай.
Тагдырдын ушул беле шыбагасы,
Тамшанып мен жүрөмүн санаам канбай.
Ах, жаным, сүйгөнүм,
Тамшанып мен жүрөмүн санаам канбай.


Кумардын чапкан аты алыс чыгып,
Колумдун кош тизгисин карыштырып,
Жүрөгүм Мажнундуку, меники эмес,
Жүрөмүн сага жетпей намыс кылып.
Ах, жаным, сүйгөнүм,
Өткөндү кийинкиге салыштырып.