Жаным издеген, жүрөк эңсеген,
Жан дүйнөмдүн жарыгы белең?
Деңиздей терең ак сүйүүм менин,
Арзуу арнап өзүңө келем.

Кайырма:
Сен, кара көз жаным сен,
Сезимге берчи дем.
Жүрөгүн бербеген,
Тагдырым сен белең?
Таалайым сен белең?

Байланып, конуп, ак шумкар болуп,
Серпип сүйүүнү учуп келейин.
Бакытка толуп, обонум созуп,
Жүрөк сырын ырдап берейин.

Кайырма

Бакытка балкып, мейкинге калкып,
Махабатка мас болуп адам.
Кыялга батып, таңдарым атып,
Таалайымдын кең жолун табам.

Кайырма: