Сиз барда, апам, берекем,
Ырымды сунам белекке.
80ге жашы толду деп,
Жар салам журтка, энеке.

Кайырма:
Эл үчүн кызмат кылгын деп,
Сексенге бүгүн толдуңуз.
Балпайып балдар төрүндө,
Бактылуу эне болдуңуз.
Сыйласак, анан бейиш бар,
Биз үчүн бийик ордуңуз.

Биз үчүн аппак тилегиң,
Билемин, туям, сеземин.
Кай жерде болбо, апаке,
Бала деп согот жүрөгүң.

Кайырма:

Токсонго кадам таштаңыз,
Тоолордо гүлүн жыттаңыз.
Жараткан сизге дем берип,
Кылымдын чайын ууртаңыз.

Эл үчүн кызмат кылгын деп,
Сексенге бүгүн толдуңуз.
Он бир перзенттин төрүндө,
Бактылуу эне болдуңуз.
Сыйласак, анан бейиш бар,
Биз үчүн бийик ордуңуз.
Болбоңуз такыр капа,
Ушул ырым дем болсун сизге.
Кымбат апа!